傅嘉莉談的士激咀男士：嗰個唔算男友
藝人傅嘉莉為劇集《我瞞結婚了》到電台宣傳，一身型Look的她被問到是否約了男士食飯？她否認說：「男仔唔會鍾意呢啲Look，係自我感覺良好。」提到新劇內容好寫實，傅嘉莉說：「係呀，講感情同工作好難兼顧，好多老闆介意員工結婚同生仔。（藝人先至會有呢樣嘢？）唔係喎，我份約係可以拍拖、結婚、生仔，公司都有好多一對對，公司都好Open，只要認真工作做到就OK。」
強調單身的傅嘉莉直言處理感情事唔叻，故現時會寄情工作，她說：「唔想有任何嘢兼顧唔到同處理唔到，公司今年畀咗好多機會我。」並透露之前的圈外男友早前已成家立室，記者笑她輸了，抵死的傅嘉莉說：「唔係，可能我最好嘅未到呢？如果同佢結婚又未開心，唔係咒佢，都希望佢幸福快樂。」
另外，曾被拍到與男士在的士上激咀的傅嘉莉說：「嗰個唔談得上係男朋友，係錯覺嚟。」隨即反問記者有冇好介紹，她說：「呢啲隨緣啦，拍拖真係好難，要顧慮好多嘢。（搵富二代？）唔係個個都令你欣賞，一定要叻過我，飯來張口未必係好。」