齊齊睇《迷》　阿田吳業坤嗌嘉穎回巢

無綫熱播劇《迷》尋晚大結局喇，田蕊妮、吳業坤和賴慰玲一班人約埋食飯睇結局。睇完結局，佢哋都大嗌滿足，阿田：「好滿意，拍《迷》辛苦咗幾個月，得到大家好好嘅反映，更加鼓舞，《迷》係好難得嘅劇本，好開心有份參加呢套劇！」賴慰玲睇完結局，都嗌唔捨得，佢話：「拍時都睇晒劇本，但今次睇番結局都好心痛，拍呢套劇大家都喊到九彩咁，拍得有啲辛苦，但依家睇到成果，都覺得好值得！」吳業坤就話：「第一次咁溫馨，喺食飯嗰時睇，希望下次都有咁好嘅劇組。」

講到《迷》係鄭嘉穎目前無綫「最後一擊」，田蕊妮就話：「希望仲有機會同佢一齊拍劇啦！今次好難忘，好多謝嘉穎，亦都好多謝王心慰，製作嘅幕後都唔簡單！一班編劇，寫咁多場呢啲戲，仲要冇破綻，真係一啲都唔容易！」吳業坤就話：「想同嘉穎多啲對手戲，希望佢為我回巢啦！」