李蔓瑩赴韓拍《吊靴鬼》病住頂硬上

擁有甜美笑容的女藝人李蔓瑩（Renee）早前到韓國首爾拍攝ViuTV節目《旅行吊靴鬼》，跟上輯一樣，Renee要在當地「白撞」，要求跟香港遊客齊齊玩，今次可謂既開心又辛苦，開心是Renee碰到朋友，辛苦的是她全程抱恙要病住拍攝，Renee說：「最難忘係第一次滑雪同玩Running Man拍攝過嘅機動遊戲，但好慘第一日就病咗，好多美食都食唔到，玩機動遊戲時係用好沙嘅聲嗌，嗌救命都嗌唔到，我仲去咗醫院睇醫生，好在有個韓國OPPA幫我同醫生溝通。」講到第一次在雪地玩Snowboard的感受，Renee直言又好玩又覺得很型，但因拍攝時間緊湊，Renee要極速上堂，成績算不錯：「我食住藥玩，開頭都OK，但跌咗兩次就冇力起身，所以節目出街嗰Part我係包尾，因為已經冇晒力。」