提議開騷請四個蟹仔 秋官:掉佢哋落台

20170313
東網電視
更多新聞短片
請晒四個蟹仔做嘉賓?鄭少秋話係好提議。
藝人鄭少秋(秋官)現身酒店為5月28、29日的紅館演唱會《鄭少秋半世紀·大時代世界巡迴演唱會》舉行記者會,而大會就特別製作了留意股市走勢板,寓意秋官的經典歌曲會好似股市一樣上升。接受訪問時,秋官能夠有這麼多經典歌,問選歌是否好煩惱,他希望盡量可以唱所有經典歌,笑言:「每日唱唔同歌…咁我咪好辛苦?(嘉賓會請咩人? )你會請之前合作過嘅劇中人同對手,會畀到驚喜大家嘅。(會唔會請晒四個蟹仔嚟?)好提議!咁我使唔使掉晒佢哋落台?」
不羈露肌
秋官亦預告會在演唱會中勁歌熱舞, 至於造型方面就會盡量突顯自己嘅瀟灑風流,搞笑說:「唔着都好喎!可以拎返當年托大木嗰件肌肉衫出嚟!(會騷肌?)真亦假時假亦真,係好不羈咁露肌!」問到囡囡鄭欣宜可會擔任嘉賓,秋官坦言囡囡公司一早安排她到外地工作,希望下次60周年可以再來,他為囡囡有所成績而開心。當記者提議55周年再開騷,他即問主辦方面,得到主辦點頭後,秋官即話要預早Book場地,因為囡囡工作好忙。
秋官效應
問到見到秋官股市是否會升,秋官謂:「從今以後,就有依個『秋官效應』,信我,信一次啦,如果買升買跌一樣賺!最緊要係帶歡樂畀大家,最緊要大家開心!」問到眨吓眼就50周年,係咪過得好快,他笑言:「我以為自己係廿零歲,仲咁調皮,咁開心,咁又活力!」當記者大贊秋官幽默,他直言自己美其名是萬能泰斗,甚麼類型的劇集都能駕馭:「真係有聲有色加,仲破咗處境喜劇嘅紀錄!」問到會否回無綫拍劇,他表示現階段好忙因為要籌備演唱會,但早前都拍攝「靚聲王」。
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon