【又關陳豪事】袁偉豪真係發掘寡佬樂趣

型男袁偉豪（Benjamin）同岑杏賢港男配港姐，本來係天作之合，但兩人卻突然喺上年11月分手，真係令人可惜，至今都差唔多4個月！而分手後，Ben都好想箍煲，不過女方始乎冇咩意思，復合無望嘅佢，近日仲傳出撻着李施嬅?！不過，戀情真假仲未知，但佢甩拖後就講過：「難得依家係單身，有啲嘢可以自己去發掘！」（相關新聞： https://goo.gl/PQGVIk ）原來真係講得出做得到㗎！

阿Ben連日嚟都喺Instagram上載咖啡拉花相，仲tag住「好好建立自己的興趣」，睇嚟佢真係搵到「單身樂趣」仲幾enjoy喎，見到佢嘅拉花技巧愈嚟愈犀利，戴上眼鏡嘅佢斯斯文文似足個專業咖啡師，冧死唔少女，唔少網民都畀佢迷倒，話想飲呀！

唔只咁呀，仲關「咖啡王子」陳豪事呀！見到Ben upload咗一盒咖啡豆相，仲留言「收到了 thank you Moses & Aimee」多謝陳豪同陳茵媺，睇嚟佢絕對唔係玩玩吓，非常認真，唔通佢想學陳豪咁開埋自家品牌？

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon