【講緊邊個…】鄧穎芝疑情傷致情緒病

歌手鄧穎芝（Vangie）與歌曲監製徐浩到電台宣傳新歌《以前的我們》，Vangie表示歌曲背後有個故事，雖然她一直讓人覺得是樂天女孩，但幾年因一些事情不開心，更疑似有情緒病：「我會係咁喊，對身邊嘅嘢冇晒興趣，有懷疑過係情緒病，我啲朋友就叫我去睇醫生，我就去做咗個催眠治療。」她又指與印象中的催眠方法不同：「印象中係有個鐘咁吊吓，跟住醒咗會唔記得發生咩事，夢遊咁，但原來唔係。」Vangie謂在催眠過程中發現原來太執着只會拆磨自己：「過程入面我見到唔開心嘅自己，係咁同自己講對唔住，大喊咗個幾鐘，治療師話係我對自己唔夠好。」又承認當時正經歷情傷，似暗指與前男友林師傑的一段情，但現時已放下。徐浩亦表示有試過催眠，又指有時以為自己已放低，但其實沒有，而催眠師就能找出他內心深處的心結。

走出情傷陰霾

問到Vangie錄音時可有憶起當時的情傷？她說：「冇喎，係用回望嘅心態，依家已經放低咗。」又指曾想過應否將自己的故事說出來：「好驚講出嚟啲人會覺得係唔係都話自己有情緒病，但唔講大家未必可以感受到，好感動係有個新識嘅朋友，聽完我故事之後都感動到喊。（嗰時真係有情緒病？）冇find out喇，但依家冇事，起碼嗰時我識求醫。」

唔知鄧月平暗撻「風之子」

提到「巨胸翠如」鄧月平被東網率先爆暗撻「風之子」前香港拳王杜恒霖兼同居，Vangie指拍攝《G1格鬥會》時曾到杜恒霖的拳館練拳，之前在拳館的周年晚會上有見過鄧月平，但不知兩人一起及同居。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon