嘉穎唔想陳凱琳爆私隱：低調啲

演員鄭嘉穎、謝天華、譚耀文、鄭丹瑞、閻奕格在將軍澳為《博愛歡樂傳萬家》項目「蝶夢飛雲劍在舞」綵排，博愛主席李妮前來探班，並送上茶點慰勞。

左膝要敷冰

鄭嘉穎近日忙於排練《風雲5D音樂劇》，見他左右膝蓋也戴上護膝保護，問到是否受傷？他說：「左膝以前開過刀，依家每日排練10個鐘，每日做全個騷做兩次，運動得多膝頭就開始腫，所以要保護佢，唔好畀佢惡化。（睇醫生？）綵排埋先，依家返屋企都敷冰，要小心啲處理。（女友陳凱琳幫你敷冰？）佢有關心我。（你幫女友剪倒刺網民激讚暖男？）冇諗過，佢影我都唔知，希望盡量低調啲。（下次唔畀佢影？）唔會，咁又唔會出聲，個心係咁諗啫，哈哈，不過睇完報道佢都知，太私穩嘅嘢低調啲。」

每日食烚雞胸肉

鄭嘉穎明顯消瘦弗了不少，他笑言現在每日也食「擦紙膠」（烚雞胸肉）減磅，十分痛苦，他說：「天華幫我好多，佢有音樂劇經驗，我咩都睇佢頭。」講到《迷》的田蕊妮與吳業坤希望他回巢再合作？鄭嘉穎說：「我啱啱先暫別，咁快返就冇意義啦，冇咁快。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon