回巢憶往事　張衞健認冇以前咁單純

藝人張衞健（Dicky）在將軍澳電視廣播城出席無綫50周年台慶劇《大帥哥》開工拜神儀式。未以大帥Look亮相的他在訪問時，明顯仍對回巢非常感觸，指重返無綫遇到不少老朋友：「我聽得最多嘅係『冇變架喎你』！但大家睇錯啫，其實我變得複雜嘅，冇以前咁單純。」

大陸拍劇壓力大

他更表示雖然以前覺得在無綫拍劇十多年時間辛苦，但現在回望便認為該段時光比較少壓力：「嗰時搵朝唔得晚，得每月$3500人工，淨係屋租都已經$3500，仲要養屋企同供細佬喺加拿大讀書。但返上去拍戲，成日要諗賣片好大壓力，唔同香港咁冇乜競爭。」除此之外，他又覺得在內地開工要諗用普通話度橋諗對白好大壓力：「所以我好享受用廣東話做戲！」