戇豆誤傳過身　翌日被影抵京生勾勾

已多番被惡搞傳死訊的Mr. Bean（戇豆先生）路雲艾堅遜（Rowan Atkinson）今日又被人傳死訊！好多社交網站如twitter同facebook都圖文稱路雲車禍身亡，仲扮晒係霍士（Fox）同英國廣播公司（BBC）等大電視台的網站，講到似層層！一如以往當然有好多fans「落搭」紛紛在網上留言哀悼，有女fans說：「我哋會懷念你阿Bean，我愛你…我睇到Mr. Bean嘅死訊後好震驚。多謝你帶畀我哋嘅歡樂。我哋愛你呀！」

Mr. Bean傳死訊冇耐，現年62歲嘅路雲昨日就被fans影到抵達北京，準備明日於當地宣傳有份參演嘅內地電影《歡樂喜劇人》。照片中一頭灰髮嘅路雲喺機場擔天望地，表情十足十Mr. Bean咁款！