索爆大肚寫真！吳若希半裸晒巨胸

藝人吳若希（Jinny）早前宣布佗B女，依家停工安胎，準備迎接小生命，預產期係5月。Jinny趁住佗B，佢仲孖澳門闊少男友Alex影靚靚大肚寫真，Alex喺IG晒相留言：「無論你變得幾肥美，我都會一樣咁錫妳～～」嘩！押晒韻咁，冧死人咩！佢仲＃張相無咩點執、＃真係咁大隻、＃第一次畀你影半裸相、＃第一次亦都係最後一次。

呢張相真係不得了呀！Jinny原本身材平平，可以話係微波一族，但睇番張相，佗B嘅佢即時升Cup，由A去到C，真係睇到人流晒鼻血！

半裸唔尷尬

東網聯絡到Jinny，佢話：「呢段時間係我人生高點（指個胸），點都要留倩影，我今次都做足晒做足安全措施，個攝影師我係朋友，唔尷尬嘅！（你同Alex有冇尷尬？）個攝影師係男仔，我諗全場最尷係佢，我同Alex就冇尷尬！」