東網電視
更多新聞短片

雷頌德透露愛上攝影多年。
1/5
藝人雷頌德(Mark)出席攝影集《Stylish Hong Kong 型格香港》分享會,吸引方力申爸爸方毓仁及主播劉明軒前夫王傲山捧場,Mark透露愛上攝影多年,書中是想分享香港人眼中的香港,他說:「有好多地方值得欣賞。」記者笑指攝影器材很貴,Mark笑說:「玩乜都要錢,都買好多唔同器材,工具投資係OK。」問到老婆有否詐型? Mark說:「少少唔OK啦,不過佢起咗廚房,我都係買幾部機,大家公平啲。」
曾為好友黎明個唱拍照兼出攝影書的Mark透露稍後會為好友蘇永康的專輯拍攝封套,期間踢爆蘇永康昨日已榮升爸爸,他說:「佢尋日做咗爸爸。」此時,全場記者目瞪口呆,知講錯嘢的Mark即說:「你哋唔知咩?」並封咀說:「唔好再問,我唔會再講。」並拉開話題說:「唔會幫老婆影寫真,上次佢本書都係我影。」更直指家中的寶貝(小朋友)最難捕捉,Mark說:「未對到焦已經走咗去,不過初頭影相都係影細佬仔先。」

不過就唔會幫佢老婆再影寫真。

梁家玉(資料圖片)

佢仲大爆蘇永康已經做老竇。

蘇永康(資料圖片)