90年代草根樂隊石頭樂隊ER有意復出

前DJ梁安琪（Angel）在其成立的音樂中心舉行慶館三周年活動，獲李錦聯、石頭樂隊ER的謝昭光及Raymond等到場支持。Angel表示開音樂中心並不容易：「好多人覺得好冷門，但我想做現場音樂，成間館都係以私人派對形式去做。」又指每個月都收支不平衡：「每個月基本開支要五萬蚊嘅，有啲玩band嘅細路仔邊可能有咁多錢畀，所以我都有搵朋友做投資工作，將資源放喺度，呢度純粹係自己對音樂貢獻嘅場地。」她又謂音樂中心之前歷史性獲香港青年服務處頒「社區關懷獎」及「商界關懷獎」，所以她會繼續堅持下去。提到她指石頭樂隊ER將重出江湖，Angel指若他們有計劃開大型演唱會，會考慮贊助他們：「我哋場地每年都會做場大騷，唔排除今年會贊助樂隊合體。」又指之前曾贊助謝昭光的兒子謝偉倫開騷，希望他們兩父子亦能合體演出。而石頭樂隊ER的兩成員透露已有十年沒有見，問到是否計劃復出？他們笑說：「有咁嘅打算，因為畀Angel嗌咗我哋出嚟，團火都番咗嚟，同埋依家樂壇我哋呢啲二十後番出嚟係受歡迎啲架！」