失落女配角獎　前田敦子貼喊樣唔開心？

日本女團AKB48前一姐前田敦子昨日現身香港文化中心舉行的《第11屆亞洲電影大獎》，她憑電影《BAND友愛回家》角逐最佳女配角，不過最終不敵韓片《下女誘罪》的文素利，敦子失落獎項，已於今午返回日本。

敦子在Instagram都有甫相同香港粉絲打招呼，今日仲同粉絲講Bye Bye，仲貼咗個喊樣嘅emoji，有網友就話敦子失落最佳女配角好唔開心，話晒一場嚟到竟然空手而回，而且曾貴為AKB48一姐的她，今次來港未有受到傳媒熱捧，行紅地氈時雖然有粉絲找她簽名，但與她在日本受歡迎程度簡值無得比，所以懷疑她貼喊樣的emoji，是想表達失落女配角獎及今次嚟香港唔係好開心。但另有網友解讀話敦子同時貼咗香港區旗，似乎係唔捨得離開香港多過冇獎攞唔開心喎！