一家人！吳綺莉指卓林將返家：佢好安全

藝人吳綺莉（Elaine）近日涉刑事恐嚇囡囡吳卓林已被捕，昨日（24號）下午保釋離開灣仔警署。今日（25號）中午十二時半左右，早上外出的她駕駛其黑色七人座駕返回大坑寓所，她在車上用手勢對記者示意抱歉。她落車受訪時，被問到最新情況，她即謂：「點呢……情況都係一般屋企咁，爸爸、媽媽、小朋友講嘢語氣重咗，要解決，冇話嬲唔嬲。」

問囡囡現時情況、會否回家時，她即謂：「會，實會，屋企嚟㗎。（佢依家喺邊？）佢好安全。（了解到嗰個唔太了解嘅女友人身份未？）個個都試過細個。」問囡囡是否已經原諒她，她謂：「兩母女冇話原唔原諒嘅，一家人。唔好意思，因為我做呢行，呢件事喺一般家庭嚟講唔係咩大件事，盡量會妥善處理。」

問案件是否屬刑事恐嚇，她嘆氣後續謂：「我真係唔知，要問番律師係屬於咩，唔好化大件事，小事嚟。」又叫記者不要等她，即使再受訪都會講同一番話，之後便邊講「唔該晒」邊急步返回大廈。