東網電視
更多新聞短片
林盛斌真係好老公呀！
1/4
藝人林盛斌（Bob）與太太Pearl Wong結婚十周年，平日忙到爆的Bob忽然「鐵漢柔情」，推job帶太太出走到日本沖繩過二人世界，實行浪漫一番！Bob於社交網站上載二人於當地合照，且感性留言多謝太太：「結婚十年，第一次兩個人去旅行，其實咁都忍到，呢個女人好嘢！」
Bob接受電話訪問，感激太太一路以來持家有道及包容，且表示：「之前喺節目內承諾咗要畀驚喜佢，真漢子講得出要找數，咁啱有朋友喺沖繩結婚，我哋去參加婚禮之餘，順道留低玩番幾日，周圍食吓、睇吓。出發前囡囡都有問點解唔帶埋佢哋，我惟有話等暑假再同佢哋出埠玩啦，佢哋都明白爸媽未試過自己去旅行，所以冇乜扭計。（想兩個人去三個人返？）哈哈，多謝！有時都唔到你唔信，我個人喺香港好地地，一話出埠旅行就大把工作飛撲埋身，推job梗係肉痛，但屋企人重要啲，冇咗錢可以搵得番嘛。」
林盛斌推job帶老婆去玩。
今次囡囡冇份去！
會唔會兩個去三個返？（資料圖片）
