聽晒老婆話！陳智燊狂做運動操肌

藝人陳智燊（Jason）唔單只外型高大靚仔，而且顧家又錫老婆，絕對係大家心目中嘅好男人。不過凡事都冇完美，之前太太宋熙年（Sarah）就公開話老公唔夠大隻，唔知Jason係咪想成為太太心目中嘅完美男神，所以都好努力操Fit變「肌男」。

呢日Jason就同網友分享佢做健身嘅片，仲話：「do it more!!!（做多啲）」片中就見到Jason非常努力做引體上升，做咗十幾吓，少啲臂力都唔得，真係認真唔簡單！而另一段片，Jason就玩健身滾輪，相信Jason唔只想練臂力仲想練埋腹肌，唔少網友都留言大讚Jason好勤力，仲話相信佢好快會有成果，令人好期待呀！