胡杏兒停工全力造人：暫時唔接長job

藝人胡杏兒出席時裝活動，透露活動後會出席好友陳敏之BB的百日宴，問她送甚麼禮物？她說：「都係利是，呢樣最實際。（咁你有好消息未？）努力中，最開心係套劇終於拍完可以休息，暫時長job唔會接住，努力造人。（復活節出埠？）都想出去，好耐冇去玩。（又影輯比堅尼相？）依家唔夠fit，唔敢keep得太瘦，因為要調理身體，真係肥咗幾磅。（要畀比堅尼？）留畀自己睇囉！（老公鍾意你肥啲定瘦啲？）我哋兩個一齊肥，佢話大家都結咗婚冇所謂。（做肥師奶？）咁又唔得，我要對工作客戶負責任，不過都希望盡快有好消息啦！（想生幾多個？）希望生多幾個，但自己年紀唔細，唔知會唔會好辛苦，都希望可以有大家庭！」