鄭希怡做《溏心3》富豪:多謝無綫優待

20170331
東網電視
更多新聞短片
鄭希怡喺劇中做富豪,佢話多謝獲得無綫優待。
藝人鄭希怡(Yumiko)現身時裝活動,她透露剛才拍攝無綫電視劇《溏心風暴3》,並在劇中飾演女富豪,她感謝獲無綫優待說:「我喺劇中坐直昇機同名車,又有保鏢,用咗好多Budget,好榮幸。(有冇出動私伙靚衫?)有,黃伊汶仲贊助我服裝、手錶同首飾。(拍劇有冇影響你湊小朋友?)冇,因為我只係客串,時間唔長,每日拍幾個鐘,係最靚嘅狀態,而且仲可以見番好多朋友,好似張衛健、劉心悠。」
九年冇拍劇
Yumiko稱距離上次拍劇已經九年,問到會否不習慣?她稱不會:「心態唔同,覺得自己做戲比以前好,更加放。(有冇上癮?)都會,今次拍劇自由度好大,會大家商量點樣做得更好,好有樂趣,大家合作好開心。」
望葉佩雯快啲好
提到好友葉佩雯(Grace)因荷爾蒙失調引致體形暴脹一事,Yumiko坦言Grace的病也有一段時間:「希望佢快啲搵到好嘅醫生,雖然佢老公鍾意佢有啲有肉地,但身體都緊要,要快啲調理好。(有介紹醫生或者食療畀佢?)叫我煲嘢食就幫唔到佢囉!如有啱嘅醫生都會介紹,但唔敢亂咁介紹,希望佢快啲調理好,生個BB。(佢應該唔會生?)呢個世界好多意外。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon