尼泊爾行山危險？滕麗名爆同老公失聯2日

無綫藝人滕麗名今日返回電視城試造型，宣布即將加盟處境劇《愛·回家之開心速遞》，戲中扮演劉丹大女，她直言相當興奮，因能與一眾舊雨新知合作。

剛去完日本及尼泊爾旅行返港的她，直言已經玩夠：「去足成個月旅行喎。今次喺尼泊爾行咗5日山，其中有兩日因冇網絡同老公（朱建崑）失聯，真係嚇死佢，不過導遊讚我行山行得唔錯，我諗緊等10月《愛》劇煞科後，再去多次挑戰高峯！其實老公唔係咁贊成嘅，不過我會堅持，想趁仲有氣力去多啲，嗰度真係好靚。」

她又搞笑指老公下月會去阿拉斯加滑雪：「佢咪仲危險？我都畀佢去啦。其實我喺尼泊爾扭親，佢緊張到即刻捉我去睇醫生檢查，好彩真係冇乜事。」