翟威廉自爆初戀係日本妹

藝人翟威廉今午到鑽石山，出席明珠台《逃Prison Break》新一季首播宣傳活動。翟威廉被翻「舊賬」，其18歲於日本以搞笑團隊隊員身份出道的片段，近日於網上熱炒。他笑說：「當時我喺日本讀緊書，接咗兼職模特身身份簽咗公司，佢哋安排我拍節目。我話明自己講日語有口音，佢哋唔介意，我仲有講廣東話，啲日本人好鍾意『冇問題』3個字，聽到就會笑。（有人搵你拍AV？）冇，我有啲同學做飲食，我就好彩只係做藝人。（識咗日本女友？）試過1次，算初戀，佢依家結咗婚，我會寄禮物畀佢嘅小朋友。」