不停被吊高 謝天華自抽:我臂力驚人

20170407
東網電視
更多新聞短片
謝天華都唔知點解特別多吊高動作。
謝天華及鄭嘉穎主演的《風雲5D音樂劇》首場公演順利完成,飾演「聶風」的天華在單手拉威吔升上半空一幕得到觀眾熱烈歡呼,受訪時,天華說:「我帶住ear mon都聽到,有一下好大聲嘅起哄,我都開心嘅,觀眾有咁嘅反應,佢哋覺得好surprise。」又指被吊起至約兩層樓高,亦有覺得害怕。提到他有很多被吊高的情節,他也笑言不知為甚麼,更自抽說:「可能製作單位睇到我單手攀岩打電話(劇集《神鎗狙擊》情節),以為我臂力好驚人啦,所以設計咗好多呢啲動作畀我,最緊要喺舞台上有預期效果,都幾成功!」
地獄式減肥
而天華的「聶風」造型曾被網民指與當年鄭伊健的版本比較下較「幸福肥」,他坦言現已瘦了很多:「近呢個幾兩個禮拜有積極減磅,喺台度輕盈啲好,都幾地獄式,起碼今日第一場冇人話我肥,仲話我瘦咗。(瘦咗幾多磅?)我冇正式磅,但我太太日日見我都話我瘦,咁應該真係瘦咗好多。」又指太太有來捧場,但不告訴他座位位置,怕影響他演出,而一歲多的囝囝就未有到場,只有看過他綵排:「太夜唔適合BB睇,但佢綵排睇到個舞台都好興奮,覺得好新奇。」