陳瀅初為人母　姣張振朗難忍笑

【on.cc東網訊】飾演「三字頭」失婚「沒女」的陳瀅因信錯前夫而誤墮法網，坐冤枉監。她其後參加酒店少東張振朗舉行「失敗的人招聘會」，卻因對方戴住有色眼鏡而被認為靠美色搵着數。而張振朗經朝夕相對後，才對她改觀。首次飾演人母的27歲陳瀅坦言揣摩角色有一定難度：「年齡都唔算太大問題，演嗰時盡量成熟啲就得，有個女就難啲，自己都覺得未做得最好，惟有諗個女係最重要嘅人，將角色做所有事嘅出發點都放喺個女身上。」她更笑指在劇中有大量張振朗因偏見而幻想她發姣的畫面：「會露吓腳、低胸少少，但就着住女僕裝，開頭唔熟都會忍唔住笑。」

王卓淇坐謝東閔車尾愛留痕

飾演「二字頭」的王卓淇就與謝東閔上演一場初戀味濃的戀愛，但因女方發明星夢而引起分歧。戲中他們有不少共騎電單車的場面，王卓淇每次坐車尾都抓實謝東閔的腰，日積月累搞到男方腰間左右兩邊都各有五條傷痕，可算是愛得深傷得深。王卓淇坦言電單車場面充滿少女幻想：「Sweet爆！同埋閔大人（謝東閔）真係非常吸引、靚仔！我都係第一次坐電單車車尾，要攬住佢條腰，好似啲電影經典場面咁，好有呢種感覺！」不過她就大爆對方其實不懂開電單車：「飛馳鏡頭係替身拍，我係攬住另一個男人，近鏡就當然係閔大人，幾好吖，有兩個對手！」