【相差33年】伊能靜孖仔仔合照勁似姊弟

48歲台灣女星伊能靜喺2002年為前夫庾澄慶（哈林）生咗個仔叫庾翰睿，花名叫「小哈林」。伊能靜同小哈林一直以嚟嘅感情相當唔錯，仲成日一齊自拍影靚相?！雖然伊能靜一向鍾意喺網上高調地大晒家庭樂，不過佢其實亦好識保護大仔，每次晒相時都刻意遮住佢嘅外貌。呢日，伊能靜又喺社交網站晒出同仔仔嘅合照，仲留言：「跟兒子好開心啊～～～」睇番啲相，見到伊能靜今次竟然冇用公仔遮住仔仔個樣，令佢雙眼得以「重見天日」呀！相中見15歲嘅小哈林戴住帽，一時同媽咪用手掩嘴扮Chok，一時撳住媽咪個頭，十分搞鬼！唔少網友睇完啲相後都話小哈林好靚仔，仲話伊能靜望落似少女，兩人似姊弟多過似母子?！