黃榕學拳保護自己:返內地啲男人手多多

2017年04月09日 16:31
東網電視
更多新聞短片
可以保護自己都ok嘅!

性感女星黃榕、仙樂都及伍淑怡現身九龍城出席潑水節活動,齊齊以傳統泰國服飾上陣,相當有氣氛。黃榕表示帶備私伙比堅尼,準備與市民齊齊玩水:「好穩陣,唔怕走光打晒底,就連假眼睫毛都冇黐,唔怕會甩!」

仙樂都表示為了紀念泰王駕崩,每人身上都戴有黑色蝴蝶結,問到有否考慮取消今年潑水節?仙樂都說:「一早已經搵咗好多贊助商,開頭都擔心會搞唔成,最後今年係以祝福為題,我哋有好多女仔化身仙女。」她還踢爆黃榕見到現場的拳王流晒口水,黃榕聞言即說:「頭先抽咗水,掂到佢身上啲汗!」她還透露已學打泰拳半年,問到不怕打到周身瘀傷?她表示:「唔驚,不過之前試過打到斷假甲,為興趣又可以保護自己,返內地登台好多男人手多多,依家唔使請保鏢!」記者叫她覓個拳王男友當教練,她即甜得笑絲絲說:「有男朋友啦,好多年冇拍拖,不過佢唔識打拳。(學嚟打佢?)係,唔使畀佢恰。」