前車可鑑？菊梓喬拍拖會公開：唔會唔認

歌手菊梓喬（Hana）首次擔任網上電台客席主持，提到主唱的劇集《錦繡未央》主題曲《一輩子守候》打上音樂榜第三位，她坦言很高興：「因為呢個都比較多華人聽。好開心，加入新公司就有主題曲唱，可以喺一個咁好嘅時間播出，多咗人聽到我嘅聲音，一直以嚟想發生嘅事發生咗，好開心。」

Hana表示有看《錦繡未央》，覺得女主角很堅強，就像一個女戰士：「好鍾意呢套劇，同以往嘅古裝劇有啲唔同，有咗呢首歌係非常好。」她表示將於今個月推出另一首劇集歌，但暫時未能透露，又稱多了支持者：「有媽媽拖住細路仔話有聽我首歌，多咗媽媽會叫我加油，記得我中文名，小朋友都話有聽我唱歌，好開心，好有滿足感。以前從來冇人同我講認得我或者聽過我啲歌，依家好多人話鍾意我啲歌，畀我好多正能量。」

問到有否關心同公司鄭俊弘及何雁詩的近況？Hana覺得現在最需要給他們時間和空間：「要啲時間去處理呢啲事，我哋旁觀都唔應該講太多。（如果你拍拖會講嗎？）有需要我都會，我唔會死口唔認。但我明白有時都要睇對方，如果對方話我係呢行，但佢唔係，佢唔想公開，我都要保護佢，睇下佢係邊個啦。」