陳禛歎爆曬太陽　陳國邦晒父女溫情

藝人陳國邦與太太羅敏莊的愛女陳禛，不經不覺已經四歲大嘞，好多網民都好鍾意陳禛，因為佢夠可愛囉！正所謂女兒係爸爸嘅上世情人，所以陳禛都特別鍾意靠近爸爸。

今日陳國邦就喺社交網上載同女兒陳禛嘅合照，睇嚟佢哋好似唔喺香港，去咗旅行咁喎。相入面見到佢兩父女喺餐廳度愛到難捨難離咁，陳禛一時箍實爸爸條頸，一時陳國邦攬到個女實一實，真係好有父愛。之後兩父去仲去咗泳池游水，陳禛穿住個水泡仔浮喺水面，合埋雙眼好似好享受咁曬太陽，而陳國邦就貼到實一實，真係溫馨滿瀉呀！