黎諾懿囝囝引女埋身 個個爭住抱小春雞

20170411
東網電視
更多新聞短片
黎諾懿囝囝啱啱出世,已經有唔少人去探佢喇!
「最接近神嘅男人」黎諾懿尋日宣布榮升爸爸,老婆李潔瑩為佢誕下「神之子」小春雞!小春雞出世一日,已經有唔少「女」爭住去探佢艷福無邊,好似「孻姑」​​​郭少芸咁,就第一時間去探神之子,抱住B仔時仲嘟晒嘴咁!
仲有喺上年9月生咗B女做咗媽咪嘅港姐張嘉兒就同埋岑杏賢去探佢哋一家三口,佢喺Instagram上載照片及留言:「見返(番)一日大嘅BB即刻有啲感動到想喊。恭喜晒,小春雞好靚仔,好可愛啊。希望佢健康快樂,孝順父母,做個好大佬。」
而做咗新手爸爸嘅黎諾懿就忍唔住成日幫囝囝拍片又影相放上網,同大家開心Share!尋日佢就話囝囝聲音仲好洪厚,今次佢就拍咗段片,囝囝把聲真係好有力噃!佢喺微博放咗段片留言:「小春雞降臨世上的第一天。」見到小春雞瞓咗喺床仔,一時破口大喊,但喊咗兩喊又自己收聲,仲不時口擘擘,非常可愛!