老公送驚喜！鍾嘉欣素顏慶祝33歲生日

前日係藝人鍾嘉欣33歲生日，自從結婚之後，嘉欣主力留喺溫哥華照顧囡囡，一切以家庭行先。而老公Jeremy亦好錫嘉欣，趁住老婆生日，Jeremy為老婆準備咗一個生日派對，現場仲有一個特大蛋糕同兩個細蛋糕，上面都插住「33」形狀嘅蠟燭，仲有「33」字樣氣球，非常有心思！

素顏上陣嘅嘉欣戴住眼鏡，雙手舉V，笑得好開心咁同啲蛋糕、氣球合照，仲留言話：「超感動的surprise生日派對。老公的悉心安排令我意想不到，感恩有父母家人朋友在我身邊，我會珍惜，愛你們。」睇得出嘉欣依家生活得好幸福！