喺热播剧《全职没女》当中，剧中饰演富二代嘅张振朗着上泳裤，喺泳池上水一刻下身更加疑似“激凸”，网民更封佢做新一代“雕神”！而饰演张振朗妈咪嘅杨娜，亦都博到尽，以鲜橙色两件头泳衣现身，网民大赞佢同张振朗果然系“母子”，两个都正到晕！

模仿张智霖上位

现年29岁嘅张振朗，2014年喺节目《Sunday扮嘢王》上模仿张智霖唱《岁月如歌》而人气急升，被称为“翻版Cool魔”，近年更成为无綫力捧小生之一。最近张振朗喺无綫新剧《全职没女》，饰演酒店富二代，靓仔又有钱真系引死人，佢喺剧中更有“激凸”演出，令到观众晕得一阵阵。

“小振朗”呼之欲出

剧情讲到性格放荡不羁嘅张振朗喺酒店泳池游水，佢爸爸张兆辉就去泳池边搵佢倾嘢，当张振朗想上水嘅时候，张兆辉大叫一声：“你着番条泳裤先啦！”但系张振朗一于少理，仲叫老窦望清楚。唔望由自可，一望真系不得了，“小振朗”呼之欲出！网民即刻疯狂CAP图，大赞张振朗系真汉子：“哗！张振朗真汉子！”、“陈芷尤真幸福！”、“新一代雕王！”。

鼻血直流

除咗“雕王”张振朗之外，网民仲发现另一亮点，就系佢剧中嘅妈咪杨娜！杨娜喺其中一幕晒日光浴嘅剧情上面，着上鲜橙色比坚尼，大晒FIT爆身段，佢仲着住套泳衣同西装骨骨嘅张兆辉，企定定讲足几分钟对白，网民就话张兆辉果然够定力，咁都可以目不斜视，“杨娜超索，鼻血直流！”，又有网民笑言：“杨娜只系大张振朗十年，竟然做到佢妈妈？！”、“两母子都正爆呀！”

网民有话儿

TiXXXXn“杨娜超索，鼻血直流！”

EnXXXXg“杨娜只系大张振朗十年，竟然做到佢妈妈？！”

QsXXXXa“陈芷尤真幸福！”

RiXXXo“两母子都正爆呀！”

YvXXXXs“新一代雕王！”