Baby帶Baby出鏡 「小海綿」上電視喇!

20170415
東網電視
更多新聞短片
有得見喇!!!
藝人楊穎(Angelababy)今年初為老公黃曉明誕下B仔「小海綿」,Baby生完次後都放低手頭工作,專心湊B,之前就有傳做開大陸真人騷《奔跑吧兄弟》鐵腳主持嘅Baby被踢走,換上新血、楊冪師妹迪麗熱巴,不過原來只係Baby向劇組請假,養好身子就會回歸。
尋日新一輯《奔》首集出街,Baby就好有心咁拍咗段片,當中就見到佢以一個賢妻良母Look坐喺度摺衫,跟住佢就逐一向《奔》其他主持講心底話,除咗話自己要向鄧超請教湊仔經之外,Baby仲首次抱埋「小海綿」出鏡,雖然「小海綿」未見樣,不過就睇到佢嘅頭髮又濃又黑,不過個頭仔仲係好細粒,Baby一隻手掌都可以包晒「小海綿」個頭,之後「小海綿」仲喺Baby懷中瞓着咗,真係Cute到震呀!
幸福滿面嘅Baby又表示好期待未來可以帶埋「小海綿」同哥哥叔叔們見面,又叫大家唔好蝦「小海綿」㖭。大批網友就狂讚「小海綿」萌到爆,仲紛紛留言指唔知幾時先可以見吓「小海綿」正面呢!