張敬軒下體被卡住！自詡小軒係中流砥柱

歌手張敬軒和王菀之（Ivana）為演唱會DVD舉行簽唱會，因兩人有首合歌《友誼的小船》，大會就做了一隻道具紙船，當軒仔穿上紙船上身，正正「卡住」褲浪位，而 Ivana則「卡住」在膊頭，十分搞笑。事後兩人接受訪問，問到「小軒軒」是否被卡住？軒仔笑言：「冇事，我以為平時大家話一柱擎天，但我今日犀利喇，向下半身發展，呢招叫中流砥柱 。」

問演唱會否開第二Part？軒仔稱兩間公司正溝通，Ivana稱都想有第二Part。可要等她生完B先開？軒仔笑言：「我呀，我醞釀緊，有冇話梅，見暈見作嘔。」Ivana稱要看軒仔檔期，若他十年後先得，就要生B先。

家中老狗出事

另外，講到軒仔演唱會時曾說會去進修，問到可有進行？軒仔即一臉傷感表示：「本身係做好晒計劃去進修，點知屋企隻老狗突然有事，呢個多月嚟都係24小時照顧，所以都好化，要好好珍惜家人同小動物。講到有指軒仔錄音室和屋企鬧鬼？軒仔說：「有時係好無奈，嗰時就係我隻狗啱啱發生咗事，幾晚通宵冇瞓，有時啲傳言係歪曲咗，但我都唔想多澄清。」