《ABC風雲》？閻奕格演古裝嗌Daddy

歌手閻奕格首度參演《風雲5D音樂劇》並飾演孔慈一角，完成六場演出，她坦言鬆一口氣。講到她的服飾不乏性感微露「線頭」，她笑指在劇中結婚的服裝其實更性感，只是給飾物遮蓋了，而婚禮的巨型扇形頭飾，在綵排時便多次打中鄭嘉穎和謝天華，尤其嘉穎因有擁她入懷的場面，嘉穎更中了幾次頭獎。而劇中因被迫下嫁謝天華，可能因最後一場，竟未出場她已喊了。講到有巡迴還有機會再演？閻奕格表示：「始終係香港嘅尾場，仲喺紅館，係唔捨得。」她又謂未試過為一個男人喊足六晚，問到可會太入戲而愛上嘉穎？她說：「佢有女朋友啦，我唔係嗰啲女人嚟，但戲中嘅孔慈就可以。」閻奕格自爆趣事，她稱始終第一次演戲，可能太緊張，好多時綵排時都將阿爹錯叫了Daddy，她笑道：「如果on show叫錯咗，咁就變咗《ABC風雲》啦。」