黃秋生拍切J戲：仲用唔用隻手食飯好？

黃秋生與衛詩雅的驚慄片新作《失眠》集恐怖、血腥、懸疑，秋生揚言這部作品是他恐怖片的引退作，並透露首次觸摸男性器官，拍攝時都有心理障礙，究竟要洗幾次手和會否用這隻手食飯呢？而衛詩雅在戲中要爛面又被強姦，更爆料指拍強姦戲時對手下身完全赤裸而她並不知情！

黃秋生與導演邱禮濤在1996年的恐怖經典作品《伊波拉病毒》，至今仍令人歷歷在目，二人多年來合作無間，不過論到恐怖片，二人相隔21年再度合作拍《失眠》，集強姦、食人肉、切男性生殖器官等恐怖血腥劇情，但秋生覺得自己再不享受拍這類電影，而且心理障礙不少。

唔知洗幾次手

秋生受訪時笑言這場切J戲拍完後，究竟洗幾次手呢：「拍切J戲都係第一次，當佢豬肉又好乜都好啦！今次真係有心理障礙，拍前係咁諗到時會點？會洗幾次手呢？咁之後我仲用唔用呢隻手食飯好呢？拍完呢場戲，我要幾耐至放得低呢？（對手反應？）呢位對手係日本演員，30幾歲，唔係拍AV，好有型架！（拍攝順利？）場戲講我殺佢，有掂到佢性器，導演當初問我夠唔夠膽拍，嗰陣我飲咗酒，咪話有乜唔夠膽？到第二日醒，至諗點算好呢？不過，最後拍攝過程都好順利，係因為燈光、鏡頭配合，幾個take就搞掂。」

唔知對手全裸

衛詩雅在戲中一人分飾兩角，要爛面之餘更有被強姦的戲份，她說：「個場戲好壓抑，講我被人笠咗個頭套強姦，我係拍完先知強姦我個位演員佢下半身係完全赤裸，連貼膠紙都冇！」並笑謂怪不得大家要她在拍攝前打厚底、拍完之後大家都替她難受！至於與秋生合作會否令她很大壓力？她直言好驚：「佢種氣勢令人好驚架！即係你貼佢個樣係門口就唔怕有賊入黎個隻!」更謂與對方拍戲就似上緊堂，令她獲益良多。

場地：Faces Music Lounge