對收視有信心！林文龍宣萱演鬥氣冤家

演員林文龍、宣萱、王浩信、唐詩詠、高海寧、譚凱琪、孫慧雪、鄧佩儀等在中環宣傳。

林文龍與宣萱受在劇中飾演鬥氣冤家，戲外宣萱笑言被他窒到反白眼。被問到對收視可緊張？他笑說：「唔緊張，因為有宣萱孭飛，得咪領功，唔得就佢孭。」宣萱笑說：「好嘅就我孭飛，唔好嘅咪拖埋佢落水。」

對收視有信心

講到收視期望，兩人指不太清楚現在的收視，林文龍認為劇集平均一定超過24點。宣萱對收視亦有信心，認為劇集拍得開心收視自然會好，劇集亦有追看性，反映現在香港女性所發生的事情，相信大家會睇得有共鳴。問到劇中可有咀戲？宣萱說：「極少，因為講我哋劇中唔啱，唔係sale呢樣嘢。」林文龍則說：「套劇梗係sale宣萱嘅演技啦。」

宣萱勁讚林文龍

宣萱又講到最初接戲時，劇本、角色已經傾好，監製最後才說到男主角是林文龍，宣萱指當然沒覺得沒有問題，她說：「佢又準時、又勤力，同埋我係嗰啲機械式演員，唔係好識去修改劇本，佢幫咗我好多。」

林文龍撼李家鼎？

問到林文龍可會再接拍無綫劇？他笑說：「我好似要拍《都市閒情》喎，『煮重你米』呀。（諗住撼李家鼎？）都好喎，你番TVB真係開心。」宣萱則說：「好耐都冇畀佢窒過，我哋之前拍劇每日就係咁過，有時畀佢窒到反白眼。」