陳煒拍女人戲冇是非：入廠一齊拔罐

藝人陳煒於電視城拍攝無綫新劇《宮心計2深宮計》，笑言身上的古裝Look是「公主睡衣」，她飾演的太平公主於劇中要向自己下毒扮可憐奪權。問拍該劇是否好辛苦？陳煒大爆每日貼定鎮痛膏貼開工：「每日set頭化妝要花三個鐘，最重嘅頭飾有成三個飯盒咁重。其實劇組好好，已經將頭飾造成空心，但我每日都黐實鎮痛膏貼，冇時間去針灸。我擺咗啲拔罐器材喺廠入面，等工作人員可以一齊拔罐。（戴頸箍？）坐車就要戴。」

拍劇睡覺時間不多，她笑言叫老公別來探班：「唔好浪費時間，我冇時間招呼佢。佢早排有嚟香港，但冇時間不如唔好過嚟，快啲拍晒先算。」講到該劇集合眾多女演員演出，問可會容易生是非？陳煒稱大家相處融洽，彼此間會於群組分享針灸或脊醫等保健資訊。