【待嫁的心】苟芸慧爆老竇好滿意陸漢洋

20170419
東網電視
更多新聞短片
快啲嫁啦!
藝人苟芸慧(苟姑娘)出席鑽飾品牌活動,以低胸Tube dress晚裝上陣示範鑽飾,性感又耀眼!她表示一直熱愛珠寶設計,希望將來結婚能與珠寶品牌合作打造屬於自己的鑽飾,又笑言由將來老公親自設計更Sweet:「唔一定名貴,最緊要有心思。(加入車嘅元素?)成架車都係鑽石,好恐怖喎!」
Ready嫁畀陸漢洋?
問到可有收過男士送鑽飾?苟姑娘表示沒有,反而自己送給自己。至於收到求婚戒指未?她說:「未呀。(咁慢!)唔好望住我喎,唔關我事。好多嘢係雙方嘅,伴侶最後會變成屋企人。(隨時準備嫁?)我覺得我係Ready。(欠求婚呢個動作?)你哋唔好幫佢問,留番畀佢。」苟姑娘表示已見過雙方家長,並透露爸爸大讚賽車手男友陸漢洋細心又負責任,問是否以前男友不負責任?她說:「爹哋係男人,有一定嘅睇法,佢覺得佢係可付託終身嘅對象。(讚你眼光好?)佢比較保守,唔會講咁多。」
有祝福郭富城
談到前緋聞男友郭富城昨日與內地女友方媛結婚,問可有致電祝福對方?她表示:「有send message祝福佢。(有冇回覆?)我send完冇理,因為自己都有嘢做。」問到將來結婚會否與郭富城一樣低調?她坦言未有計劃。至於好友王君馨已簽紙榮升為人妻,問到婚禮籌備如何?苟姑娘封口護好友:「你哋問番佢啦!」