靚女又翹又攬!李亞鵬遊三亞不愁寂寞

20170420
東網電視
更多新聞短片
贏晒!
內地男星李亞鵬與樂壇天后王菲喺2013年離婚後不愁寂寞,日前佢被爆同一班女女同遊三亞,仲表現親暱!
李亞鵬表現忌諱
三亞之旅首日,李亞鵬被指同兩名身材火辣嘅美女一齊撐枱腳,食飽飽後,其中一個着白色衫嘅女子對李亞鵬頻施嗲功,不停翹住男方嘅手臂仔,但就被李亞鵬借啲意揈開。而另一個着彩色衫嘅女子亦相當進擊,竟伸手攬李亞鵬條腰,不過亦都被防範嘅李亞鵬閃開。雖然兩名美女又翹又攬仲扑埋過去,但最終都係無法成功捕「鵬」。之不過,李亞鵬最後都有風度咁送兩名女子上車,而佢亦表現得十分忌諱,刻意唔同佢哋搭同一架酒店接駁車。
訪美女們住嘅酒店樓層
到咗第二日,李亞鵬被指喺碼頭揸遊艇,同行仲有四名美女,當中仲包括前一日對佢勁主動嘅兩名女子?!今次戴上黑超嘅李亞鵬親自掌舵,型仔十足!而佢亦放下戒心,同前一日嘅同行白色衫女子有講有笑,睇嚟兩人似乎關係唔錯啵!出完海返回酒店後,李亞鵬被指冇即時返回前一日住嘅樓層,反而去咗美女們住嘅樓層。到咗第三日,李亞鵬就同白色衫女子刻意前後腳離開。
唔少網友見到李亞鵬嘅單身生活後都紛紛嗌羨慕,仲封佢為人生贏家,並表示羨慕「黃金單身漢的幸福生活」?!