【真唔識？】許志安問睇驗孕棒係咪要揈

歌手許志安與樂隊Dear Jane、Rubberband、Supper Moment（SM）、觸執毛到電台為音樂會做宣傳，他們表示這次大家都會主動提出意見，但不會有矛盾，因為經過上次合作後，更加信任大家。問到可會因更熟而玩得更癲？安仔說：「今次係勁同精，同埋想跳多啲舞，會排舞，因為上次唱一首party嘅歌，大家都好開心，我哋想加強呢方面。（有難度？）呢啲隨心嘅啫，跳幾多同捐錢一樣，老係隨心！」又笑言會由SM的Sunny負責排舞。至於今次將新加入的人選，他們指看到網上有很多猜測，但仍未能透露人選：「一定唔係big four，同埋唔知仲有冇人會加入，聽講仲有人想加入，如果今次唔得咪下年再搞囉。」

叫蘇康自動波搞上契

問到安仔是否已探過好友蘇永康（阿公）的仔仔？安仔說：「有，好得意，愈大愈似爸爸。（好事？）梗係好啦，開心嘅，一見到佢就諗起阿公，好得意。」至於可會上契？他指不用刻意：「呢啲自動波㗎喇，但唔好畀佢群咁多張衞健就得。」

語出驚人被笑爆

而Dear Jane的Tim日前與太太楊洛婷宣布有喜4個月，他說：「幾得意嘅個心情，啲人話我唔同晒，我都想快啲見到個BB。」當他講到是與太太一起睇驗孕棒時，安仔問：「係咪要揈？」其他人即笑說：「要揈嗰啲係量體溫、肛探嘅。」