裕美否認被樂小姐細仔抽水：夾硬嚟

藝人裕美、馬國明、王君馨（Grace）及蔡思貝等，於馬鞍山宣傳無綫熱播劇集《心理追兇Mind Hunter》。日前有報道指裕美於曾志偉生日派對上，比樂易玲細仔Ryan捉手兼錫面，她受訪時作出否認，又指該報道只屬看圖作文。裕美說：「唔係，佢細細個時已經見過。當晚係志偉哥同秀姑嘅生日派對，唔計（樂小姐）兩位公子，我可能係全場最後生，所以大家傾偈。啲相太假，夾硬嚟，我唔想影響兩位公子，冇拖手同冇錫面。（你當時冇避忌？ ）我哋企得離行離列。（樂小姐在報道出街後有否詢問你？）佢覺得我哋一齊傾偈好好，冇特別。」

談到她會否擔心被指為討好樂易玲而親近其兒子？裕美說：「我不嬲feel free去做friend。」她又言擇偶條件是成熟的基督徒：「我一定要揀大過我好多，10年左右，要係成熟愛主的基督徒。」重申目前單身的她又言擔心新聞會影響其感情路：「我驚封殺咗我啲路，真嘅會再通知大家，目前專心工作。」