名模周汶錡（Kathy）嘅大仔Jacques精靈又得意，喺社交網上「呼風喚雨」，一出PO即刻吸引成千上萬個like，認真犀利！但日後，Jacques可能要面對一個強勁嘅對手，佢就係細佬Avner喇！上月出世嘅Avner同哥哥一樣，遺傳咗嗲哋媽咪嘅靚樣，仲眨吓眼已經一個月大喇！

靚媽Kathy就喺Instragram上載咗Avner滿月party嘅相，已經完全修身嘅Kathy抱住仔仔Avner，笑容甜到漏，仲有一家四口嘅合照，溫馨到痹！

唔少網民睇見Kathy生咗兩位小朋友都咁Fit大嗌羡慕，仲有網民搞笑咁話Kathy一定係使出一招「狸貓換太子」根本冇生過。