許家傑要脅陳瀅上床　被張振朗推門撞破

古時有賣肉養孤兒，估唔到今時今日仲有賣身救女兒嘅慘劇，講嘅主角仲要係女神陳瀅！

話說陳瀅於無綫新劇《全職沒女》扮演一位索爆離婚婦，獲酒店太子爺張振朗全力追求，可惜女神亦有生活壓力，要獨力照顧6歲的囡囡。

今晚一集講到陳瀅為救患有先天性膽管阻塞的囡囡，不惜向前夫許家傑要求捐肝，許家傑卻乘人之危，要求陳瀅陪上床，想不到卻遭張振朗推門破壞好事，更發現許家傑房中有軟性毒品，此時衣衫不整的陳瀅奪門而出拉走張振朗，自爆身世並要求對方息事寧人，陳瀅主動獻吻卻遭張振朗推開，張振朗大聲表示：「我知道妳唔係呢種女人嚟嘅！」

其實《全》劇中，陳瀅不時成為張振朗「幻想對象」，鏡頭一時瞄準陳瀅朱唇，一時大特寫陳瀅媚眼，今集就輪到陳瀅露粉肩…想睇陳瀅「再進一步」，觀眾就要繼續留意追睇嘞﹗