名人：翁嘉穗大仔揚威　送波鞋獎勵

前港姐冠軍翁嘉穗與鄔友正的長子、現年16歲的鄔謨雲（Jason），早前在第60屆體育節香港健力錦標賽2017贏得青年組冠軍，兼打破三項香港健力舉重紀錄，包括蹲舉、臥推舉和硬舉，成為香港的耀眼新星。Jason雖然年紀小小，但原來他對此運動十分認真，翁嘉穗說：「佢一星期要訓練6日，每次個幾兩個鐘。（飲食都要配合？）佢話要食4,000卡路里一日，日日都問我呢樣幾多卡路里，嗰樣幾多卡路里，我話唔知，佢又去問啲工人，有幾多克肉？係乜嘢肉？好認真。（點樣同個仔慶祝？）我哋過兩日去餐廳食嘢，佢揀咗間餐廳，同埋佢話要波鞋。（細仔鄔謨風係咪都鍾意運動？）細佬文靜啲，不過好鍾意跳舞，一聽到歌就郁手郁腳。」

星洲奪品牌大獎

翁嘉穗又透露喜事成雙，除了兒子Jason奪冠外，她老公鄔友正旗下品牌海馬牌床褥，日前在新加坡連續8年榮獲《讀者文摘》2017 TRUSTED BRAND AWARD，成為唯一一個香港品牌躋身這個獎項，與其他國際品牌及當地品牌同時獲獎，由於她出發前往新加坡，因而錯過了見證兒子奪冠一刻，她說因行程一早計劃好，兒子除了要比賽，亦要預備考大學，故新加坡之行並沒有預兒子份。對於品牌連番獲獎她感到開心和光榮，她說當地有些品牌或對她們不太認識，笑言對她們背景感到神秘，反而很想多了解她們。