姊弟戀都OK！林盛斌講定同吳若希對親家

吳若希（Jinny）好友、剛宣布成功追仔，太太已懷有五個月「慈姑椗」的林盛斌（阿Bob）接受《東網》訪問時表示：「真係好戥佢開心啦，因為知道佢同佢另一半Alex都好期望bb出世，佢未生得住前都早成個月已執定走佬袋，見佢哋準備得好充足嘅，睇得出佢哋係好好嘅爸爸媽媽，都好關心小朋友出咗世後點點點。嗰次飯聚食飯，（Jinny）都同我太太都傾咗好耐，我老婆有敎佢點做，大家交換心得都幾開心嘅。」問他的囝囝將來會否追求Jinny的女兒？他就話：「將來溝唔溝佢個女就睇將來點先啦，都係咁講啫，我個仔太多女要溝啦，所以將來要等等先，講笑啫，小朋友做吓小朋友梗係冇問題啦，如果做埋親家梗係冇得頂啦。」

年齡唔係問題

問到Jinny的囡囡比其未出世的兒子大幾個月喎？阿Bob就不會介意：「咁又唔係忘年戀，差幾個月啫，人哋差一大截都係咁啦，我哋呢個差九個月，一年唔係咩時間嚟嘅。」阿Bob又話稍後會聯絡Jinny，估計她現時休息中，並建議現時朋友們不要蜂擁到醫院探訪Jinny，因為Jinny現最需要時間休息，不宜太操勞，最好待她出院或bb滿月後才探她都未算遲。問Bob是否已準備賀禮，他說：「我都已經準備咗一封bb出世開心大利是畀小朋友，等佢出咗院就會親自送到府上㗎啦。」