老公親手剪臍帶　吳若希爆囡囡下巴兜兜

24歲的吳若希（Jinny）今晨為澳門闊少男友Alex誕下女兒Giselle！Giselle比預產期遲了3日先出世，Jinny經過十多個小時陣痛先把女兒生出來。初為人母的Jinny今晚接受無綫「娛樂新聞台」電話訪問，分享做媽媽的喜悅心情，她說：「多謝 ！（攰唔攰？）keep住都好攰，因為順產嘅，陣痛咗廿幾個鐘，不過個女好生性好快出，我攰到好似昏迷，瞓吓醒下。」

生咗十分鐘

Jinny坦言男友Alex有入產房陪她生女，還親手剪臍帶，問到Alex緊張嗎？她說：「還好，佢好緊張，有睇住我同陪住我生BB，見佢谷到對眼紅晒，但佢話唔可以喊，要型，佢有剪臍帶，好英勇，好搞笑，好彩佢唔怕血。」問到她見到BB第一眼感覺如何？Jinny說：「好開心自然咁笑，我以為會喊，但我冇力，醫生話我好叻，push咗三、四吓好快出嚟。」成個生產過程只是用了十分鐘左右。

囡囡6磅鬆啲

Jinny坦言今次生女是一個好特別、難忘的經歷，如今想起當日母親生自己出來那種痛楚，終體會到母親的偉大。女兒似邊個？她說：「大部分眼、鼻、面型、手手腳腳都似爸爸，我覺得唯一似我係下巴同嘴，下巴兜兜。」她又讚女兒幾乖，因為聽很多人說初生BB會成日喊，但Giselle好特別，她說：「佢都有喊，但喊兩吓就靜番落嚟，然後眼睩睩咁。（佢幾重？）最初我以為有7磅，但得6磅鬆啲，佢一世出識得搵奶奶飲，所以我冇咩嘢需要擔心。」

否認紅館開騷

問到Jinny可會再追第二個BB？她說：「唔會咁快，唔想錯過依家囡囡長大過程，我都會做番嘢先，覺得唔好同社會脫節。」對7月傳她在紅館開騷，她否認有這回事，她說：「生完後所有情況唔穩定因素太多，從來冇諗過。」