梁漢文中環拍海報：好驚畀人鬧我阻街

歌手梁漢文（Edmond）的《梁漢文／我的另一半音樂會》將於8月18、19日假九展舉行，這次音樂會的海報由林海峰（Jan）一手包辦構思和設計，Edmond挑選大量熱爆一時的卡拉OK獻唱，與歌迷重拾擦身而過的好歌。Jan為配合他的構思而將「在中環鬧市擦身而過的感覺」搬上海報。

搵湯加文扮路人甲

在拍攝時，要有一個女生幫Edmond扮演擦身而過，結果梁漢文邀請了小師妹湯加文（Carmen）來幫忙，林海峰望着Carmen開玩笑問：「你夠竟知唔知邊個係梁漢文？」Carmen就哈哈大笑回答：「我連你都識係林海峰啦！我又點會唔識佢係梁漢文呀？你唔好見我細個就蝦我啦，我識梁漢文啲歌㗎！我有聽嘅！」

Edmond對Carmen說：「好老實講，真係唔係好識你，不過依家就識啦！今次真係好多謝你幫手，只係影個背面真係唔好意思，下次拍MV再搵你做女主角，影番個正面！哈哈……」

九展拉近觀眾距離

Edmond坦言是第一次在人來人往的馬路上影相，見到有途人經過突然發現是他，再駐足觀望，令他感到擔心：「睇住個綠燈好快已經眨眨吓就變紅燈，但係我又唔行得，要企喺度畀攝影師影相，影嗰陣好驚畀人鬧我阻街、又驚阻車行、畀車撞，好彩都冇畀人鬧。林公子（Jan）一向出名快狠準，行咗太約二、三十次就已經話有喇，收工！」

這次於九展開騷，對Edmond來說是一個新場地，他非常期待，於一個比紅館細一半的地方開騷，相信與觀眾的距離感會拉近！最近他已經開始籌備練歌，笑言在過程中發現自己有很多歌都未有在紅館唱過，而這些歌大部分在卡拉OK都是很多人心目中至愛，所以相信觀眾入場之後，會對他的「另一半音樂」非常喜歡。