霆鋒王菲被爆分手　爆料者：錯了吃狗屎

天后王菲與謝霆鋒分手11年後，忽然喺2014年世紀復合，震驚中港台！之後兩人不時被影到孖公仔行動，十足糖黐豆！不過，日前卻有一名中國評論家宋祖德喺微博爆料指王菲與謝霆鋒已經分手，仲許下豪言話如果消息有誤嘅話，就會「直播吃400克狗屎」！

宋祖德仲指王菲自從上年開完演唱會撈金失敗後，兩人關係每況愈下，佢大爆兩人：「最近已簽分手協議，有商業上的合作就同時出現。兩人走到一起的真正目的，就是為了撈金，老百姓喜歡看八卦。」

有網民質疑兩人分手消息嘅真確性，另外亦有人食晒花生表示：「等着看直播吃狗屎。」有網民轉貼宋祖德有關博文，謝霆鋒得悉後便透過Facebook間接否認消息，佢留言：「期待佢食比（畀）我哋睇！」另外，佢今日亦有更新Facebook，並貼出一張背影相留言：「廚房round3，比（畀）人搞到我頭☁️（暈）」，疑大呻畀人搞到頭都暈埋。

而身為王菲好友、台灣重量級電影人邱瓈寬，亦有喺社交網回應事件，佢好好火咁話阿菲「愛跟誰合愛跟誰分」都唔關其他人事，仲暗指宋祖德嘅「狗屎論」係污染狗屎，為老友王菲攞番個公道：「王菲愛跟誰合愛跟誰分是又關誰事？狗都會為自已拉的屎負責阿你呢？幹嘛要污染狗屎？誰要看喜歡用屁眼講話狗看了都掉眼涙不如狗的人吃狗屎？王菲的感情又關你狗xx事？」