Tom Hardy化身成超級英雄生擒偷車賊

英國著名男星Tom Hardy前日化身成超級英雄捉賊，據知當時佢在倫敦西南部Richmond行行下街突然見到有人偷走一部「綿羊仔」，打算逃走點知炒車，賊仔即起身喪逃，有目擊者指Tom即開動佢嘅「超英Mode」追賊追足幾條街，跑過花園之餘亦爬過圍牆及工地，之後成功捉住賊仔衫領並用手鍊住佢條頸並成功將佢制服在地上，並興奮爆粗大嗌「我捉到呢個Ｘ樣喇！」，之後Tom捉對方埋巴士站搜佢身上有冇武器，又問佢拎身份證嚟睇，十足十阿Sir咁款!目擊者話Tom同人講「呢個衰仔偷嘢，而家佢斷咗隻腳。」。