落力宣傳！宣萱望新劇有25點收視

藝人宣萱出席有關預防乳癌活動，她指希望利用自己知名度去提高社會關注健康，而自己平時也有自我檢查，每年亦有做婦科檢查。而最近她忙為無綫新劇《不懂撒嬌的女人》宣傳：「五年冇拍劇喇，所以會落力啲宣傳，係改革後第一部實境拍攝。（以前有冇試過通宵拍攝？）有，後生唔瞓兩三晚好少事，依家會好辛苦，樣都頂唔住，唔同以前，要錫吓自己。」

提到收視，她直言：「聽人講依家收視20幾，以前30幾係正常，40點係放煙花，都幾心酸。（希望有幾多點？）25點都開心喇。」