無綫藝員袁鎮業（Kelvin）擁有高大身型，被網友睇好上位在望，近月Kelvin劇接劇忙個不停，分別在《踩過界》飾演律師及在《抱佣情人》飾演黑幫大佬，而他在古裝劇《天命》中飾演陳山聰麾下將軍「博托鄂」，兩人征戰沙場情如手足，角色甚有發揮機會，Kelvin早前到橫店拍攝《天》劇三星期，是他首次到當地開工，他說：「橫店景色優美，不過天氣變化大，溫度反差好大，而且好乾燥，第一天零晨剛到埗，瞓咗一小時就去山上軍營開工，當日天氣寒冷又有微雨，戲入面講我同一班士兵表演拔河競技，畀太上皇張國強欣賞，大家假戲真拔，拔到喘晒氣，雖然又凍又攰，但拍得好滿足！」

而劇中Kelvin有多場重要戲份都要需要策騎，對他是個大挑戰，雖然TVB有準備替身，但他仍希望親身嘗試，結果發現自己原來很有天分：「好彩橫店馬匹比較溫順，而且我有跳舞底子、腰力夠，結果一騎就愛上策騎，導演見我操控自如，所以有場原本企喺度講對白嘅戲，改成邊策騎邊講，都幾威風！師兄陳展鵬話我哋比較高大嘅人，策騎會更有氣勢！」