被傳同王菲分手　霆鋒晒愛的紋身反擊

藝人謝霆鋒與王菲復合後成為圈中熱話，雖然日前被暗指二人感情有變，但傳聞還傳聞，謝霆鋒一於懶理，今日仲喺社交網上載咗兩張游水相，見到赤裸上身浸喺泳池水中嘅謝霆鋒，戴住太陽眼鏡型到爆，仲留言：「第一係正面，第二張係背面。」第二張見到謝霆鋒成個人潛入水中，真係悠然自得！嗱！重點就係，佢不經意咁露出咗當年與王菲拍拖時紋嘅「比翼雙飛」紋身，網民話勾起唔少回憶。唔知係咪日前傳出感情有變，有網民話可能傳出感情有變嘅新聞，霆鋒就露出愛的紋身力證情未戀呢？